DAVAO CITY – Gipaklaro sa Police Regional Police XI nga accidental ang nahitabong pagbuto sa pistola sa usa ka Patrolman nga nagresulta sa kamatayon sa usa ka sibilyan.
Sumala kang Police Major Atty. Eudisan Gultiano, gi-relieved na sa serbisyo si Patrolman Ryan Domenise kinsa mao ang suspek nga aksidenteng nakapusil patay sa Maragusan Sports Complex.
Napasaka na usab ang kasong reckless imprudence resulting in homicide, kini subay sa imbestigasyon nga gihimo sa Maragusan Municipal Police Station. Gawas niini nag-atubang usab og kasong administratibo si Domenise kinsa kasamtangan karong anaa sa kostudiya sa kapulisan.
Kahinumdumang naka off duty ang nahisgutang kanhi police sa New Bataan ug nisuroy sa Maragusan Sports Complex, pero dihang gilapag sa lamesa ang iyang pistola, kalit kining nibuto ug naigo ang usa ka Cerbando Hinayon, 58 anyos, nga niadtong nga niadtong tungora igo lang niagi sa maong dapit. Gidala pa sa Davao de Oro Provincial Hospital ang biktima pero gideklara kini nga dead on arrival diin nakaangkon ang biktima og samad pinusilan sa agtang.
