DAVAO CITY – Gipanganti sa Davao City Police Office (DCPO) nga taktakon sa serbisyo ang police nga naghuramintado sa tugbok ning dakbayan sa Davao.
Sumala pa kang Police Chief Inspector Catherine Dela Rey, tigpamaba sa DCPO nga dili nila palutson ang gihimo nga pagpakaulaw sa DCPO sa usa ka police Senior Inspector Rogenio Biones, Jr. nga sakop sa Baguio Police Station.
Pormal na kini nga mataktak sa serbisyo sa pagkapulis gumikan sa iyang gibuhat nga pagsamok-samok sa Los Amigos, Tugbok mga alas 7:00 sa gabii niadtong milabay nga adlaw.
Labihang huboga sa suspek, diin usaka balay ang mi-reklamo kaniya gumikan kay sa naghinobra nga kahubog nag-wild kini, nani-on ug armas ug namujak ug hallow block nga mao ang negosyo sa mga biktima, lakip na ang pagbahad niini nga patyon ug pabuthan sa iyang dala-dala nga 9MM nga armas nga Taurus ang brand.
Gawas sa kasong grieve threat malicious mischief, apurahon sab sa DCPO ang pagpasaka ug kasong administratibo.
Bout sumala pa ni DCPO OIC Director Val De Leon nga hingpit nga malangkat sa iyang pwesto ang suspek nga police gumikan sa mga reklamo batok ngadto kaniya.
