DAVAO CITY – Kritikal ang kahimtang sa usa ka police nga sakop sa Mobile Group sa Davao City Police Office (DCPO) human nga naunay sa kaugalingon nga armas.
Naila ang biktima nga usa ka Patrolman Lloyd Legue, baynte singko anyos, residente sa Saavedra St., ug nagsaka sa Purok 6, Barangay 37-C.
Dali nga gidala sa Davao Doctors Hospital pasado alas 12:00 kaganinang kaadlawon human nga aksidente nga miboto ang iyang armas ug naigo ang iyang tuo nga ulo.
Nasayran nga gitaygan ang police sa iyang livein partner gumikan sa pagsakit sa tiyan niini, hinongdan nga miuli ang police apan sa pagtangtang niini sa iyang 9MM nga armas ug gibutang sa cabinet kalit kini nga miboto ug naigo ang biktima sa iyang tuo nga bahin sa ulo ug dali nga gidala sa ambulansya sa Recue 911 sa Davao Doctors Hospital ug padayon nga gitambalan sa Intensive Care Unit (ICU).
Na-recover sa crime scene ang itom nga 9MM, usa ka magazine nga dunay unom ka mga bala, usa ka nalupyak nga balinis, ug usa baseyo sa bala.
