DAVAO CITY – Hayan nga mag-atubang ug kaso ang usa ka pulis nga human nga nagpaboto kini sa iyang armas niining milabay nga gabii sa Purok 4, Isla Verde, Barangay 23-C nga maoy hinungdan nga naalarma ang mga residente.
Sa imbestigasyon sa Sta. Ana Police PNP, gikanayong nagmaneho si PO2 Allan Echavez ug gisubay ang Marikit Street, Purok 1 sa nahisgutan nga barangay dihang nabanggaan niini ang usa ka trisikad.
Tungod sa iyang kasuko mikanaug kini ug nagpaboto sa iyang armas sulod sa upat ka higayon.
Gibutyag sab sa mga residente sa lugar nga gipangti-onan sila ug armas sa nahisgutan ayha kini mibiya sa lugar.
Hinuon wala sumala pay nakitang basiyo ang kapulisan sa nahisgutan nga dapit nga maoy gamiton isip ebidensiya batok sa suspek.
Apan gikanayon sa mga lumulupyo sa lugar nga gipunit matud pa sa mga barangay personnel ang basiyo sa bala. Dugang imbestigasyon ang gilusad karon sa mga sakop sa Sta. Ana police.
