DAVAO CITY – Tanan nga 182 ka mga Barangay sa dakbayan sa Davao dunay slot alang sa recruitment alang sa subling pagpabalik sa mga Police Auxiliary sa siujdad.
Kini ang gihatagan ug mkatin-awaqn ni Davao City Police Office (DCPO) Director Police Senior Supt. Alexander Tagum, kinsa namahayag nga ang pagpadaghan sa mga police auxiliary sa dakbayan nagtumong nga matabangan ang kapolisan sa pagmintina sa kahusay ug kalinaw sa ilang tagsa-tagsa ka mga barangay.
Sugdan na karong adlawa ang pag-recruit ug mga police auxiliary alang sa dugang mobantay sa matag barangay sa dakbayan.
Dugang pqa ni Police Senior Supt. Tagum nga sulod sa usa ka semana mang-recruit sila ug mga police auxilliary ug human sa training hatagan gilayon ug mga uniform ang mga recruits.
Walo ka oras lamang ang trabaho sa mamahimong police auxilliary nga magsilbi nga back-up sa mga pulis ug magdawatan ug P6,000 ka pesos isip binolan nga sweldo.
Una nang gipahayag ni Police Sr. Supt. Tagum nga nabalik ang police auxiliary human sa iyang pakig-hinabi kang Davao City Mayor Inday Sarah Duterte-Carpio ug tungod sab sa giingon sa Davao City Public Safety and Security Command Center (PSSCC) ingon man sa 911 nga dako gayud ug ikatabang sa mga police auxiliary sa pag-mintina sa kahusay ug kalinaw sa 182 ka mga kabarangayan sa dakbayan.
