Pagmahay ang gibati sa usa ka police auxiliary human nga mikaylap sa social media ang video sa iyang pagsumbag sa tiyan sa usa ka suspetsado sa pagpangawat nga gidala sa police outpost sa Davao City.
Ang auxiliary, nga giila isip nga si alyas Mico, mipahayag nga nahimo niyang sayop ang maong lihok tungod kay nadala siya sa emosyon.
Sumala pa niya, una siya nga gidumtan sa suspek samtang nagresponde sa usa ka insidente sa pagpangawat sa Southern Philippines Medical Center.
Human madakpan ang suspetsado, nakasinati siya og kalagot tungod kay giyaga-yagaan siya niini.
Tungod sa nahitabo, ang DCPO mipadala og show cause order sa auxiliary aron siya motubag sa iyang gibuhat ug atubangon ang angay nga disciplinary measures.
Gikanayon ni Police Colonel Hansel Marantan, Acting City Director sa DCPO, duha usab ka pulis ang kasamtangang gibutang sa restrictive custody tungod sa kapakyas nilang pagpahunong sa insidente.
Dugang ni Marantan mipadayag usab og pasaylo sa panghitabo ug misaad nga magpabiling hugot ang disiplina sa ilang hanay aron malikayan ang susamang insidente.
