Pokwang ‘nag-sorry’ sa kagubot nga gikalambigitan sa iyang igsuon sa Antipolo

Nangayo og pasaylo ang komedyanteng si Pokwang human nga nalambigit sa usa ka kagubot ang iyang igsoon.

Gisundan kini sa pagbatikos sa publiko sa gihimong pagpangdagmal sa igsoon sa komedyante batok sa usa ka lalaki nga nagtulak og kariton sa Antipolo City.

Sa iyang social media account, nangayo og pasaylo ang negosyante sa maong lalaki, ingon man sa bata ug sa publiko, tungod sa dili maayu nga pamatasan.

Kabahin usab niini, iyahang gibatikos ang pipila ka mga politiko nga giapil pa ang tibuok nilang pamilya bisan wala silay kalabotan sa nahitabong insidente.

Kahinumduman nga gisuspinde na sa Land Transportation Office (LTO) sulod sa 90 ka adlaw ang driver’s license sa drayber nga makita sa maong video.