Nagkagubot kaganihang buntag sulod sa KOJC compound tali sa mga kapulisan ug mga myembro human nga gipasulod ang sumala pa “blue box” samtang nagpadayon ang pagpangita kang Pastor Apollo Quiboloy.
Pipila sa mga myembro sa KOJC ang mipalag batok sa maong lakang, nga matud pa ang “blue box” wala mopailawom sa X-ray scanner una kini misulod sa compound.
Wala usab gikabutyag nga usa ang unod sa nasampit nga kahon.
Una na usab nga adunay gidugang nga usa ka gatos nga myembro sa kapulisan nga misulod sa compound samtang nagpadayon ang pagpangita kang Pastor Quiboloy nga karon anaa na sa ikatulong adlaw.
Una ng nagdala ang kapulisan ug usa ka long-range acoustic device o LRAD, sa unang pagsilbi sa warrant of arrest ug ingon man usa ka device nga motumbok sa heartbeat sa usa ka tawo nga bisan ug anaa kini sa ilawom sa yuta.
