DAVAO CITY – Bisan nga hangtud pa sa Nobyembre 7, 2021 molungtad ang gipatuman temporaryong pagpasara sa mga sementeryo dungan sa paghinumduman sa Kalag-kalag dinhi sa dakbayan, gikanayon ni Davao City Police Office (DCPO) director Col. Kirby John Kraft nga wala silay natalang mga dagkong insidente ug nagmalinawon ang tanan nga mga sementeryo sa siyudad.
Una ng nasayran ni Kraft nga nagpahimutang ang DCPO ug 34 ka mga police assistance desks sa 34 ka mga sementeryo nga gilangkuban sa 18 ka mga pribado ug 16 ka mga pampublikong sementaryo sa siyudad ug nakapakatag sab sila ug 273 personnel (189 policemen ug 84 police auxiliaries) sa mga sementeryo.
Apan gikanayon ni Kraft nga magpabilin ang pagpahimutang nila ug police assistance desks sa tanan nga mga sementeryo hangtud sa Nobyembre 7, 2021.
Kahinumduman nga gimando ni Mayor Sara Duterte-Carpio ang pagpasira sa mga sementeryo sulod sa duruha ka semana sukad kaniadtong Oktubre 24 hangtud Nobyembre November 7, 2021 isip paghinumdom sa All Souls Day ug All Saints’ Day.
Hinuon exempted ang niini king adunay ilubong sa nahisgutan nga mga adlaw o kung adunay isaulog nga birthday o death anniversary sa namatay nga indibidwal.
