-- ADVERTISEMENT --
Nagsugod na ang Philippine National Police (PNP) sa pagpasaka og kasong kriminal batok sa mga indibidwal nga nalambigit sa hoarding ug profiteering sa lana.
Kini taliwala sa posibleng krisis sa suplay tungod sa padayon nga tensiyon sa Middle East ug sa deklarasyon sa energy emergency sa nasud. Base sa datos sa PNP, lima na ka kaso ang natala sa Eastern Samar, Albay, Masbate ug Davao del Sur.
Ang operasyon gihimo uban sa Department of Energy (DOE) aron sugpuon ang iligal nga mga aktibidad.
Nauna nang gipahugtan sa DOE uban sa Department of the Interior and Local Government (DILG), lokal nga pamahalaan ug PNP ang inspeksyon sa mga gasolinahan aron mapugngan ang hoarding, profiteering ug manipulasyon sa suplay sa lana.
