Giawhag sa Philippine National Police (PNP) ang publiko nga magpabiling mabinantayon taliwala sa padayon nga pagsaka sa mga cryptocurrency ug online investment scam, human sa gatusan ka mga kaso nga natala sa miaging tuig.
Sumala ni PNP chief Gen. Jose Melencio Nartatez Jr., ang mga Pilipino kinahanglan nga magbantay sa mga online platform nga nagsaad og dili realistiko nga ginansya.
Base sa datos gikan sa PNP Anti-Cybercrime Group (ACG), hangtod sa 311 ka mga kaso sa investment scam ang natala gikan sa Enero 1 hangtod Disyembre 31, 2025. Kini nga gidaghanon, 12 ka mga kaso ang may kalabutan sa mga cryptocurrency scheme.
Ang mga taho nagpakita nga ang mga scammer kasagaran nagdani sa ilahang mga biktima pinaagi sa mga saad nga mas taas nga ginansya, ug sa pipila ka mga kaso gitugotan pa ang inisyal nga pag-withdraw aron makuha ang ilahang pagsalig.
Giawhag usab ang mga biktima sa pag-recruit sa uban sa dili pa hingpit nga ma-block ang access sa ilahang mga account, nga moresulta sa dakong kapildihan.
Nagpasidaan usab si Nartatez nga dili lamang ang kwarta ang nameligro, apan lakip na usab ang personal nga seguridad sa mga biktima.
Sa laing bahin,gitambagan sa PNP ang publiko nga susihon pag-ayo ang mga plataporma sa pamuhunan, likayan ang mga itanyag nga adunay garantisadong taas nga kita, ug dili gayud ipaambit ang personal nga mga detalye sa banking o account online.
