Magpahigayon ug imbestigasyon ang Philippine National Police kabahin sa gipadayag sa sumala pa nga kanhing miyembro sa Kingdom of Jesus Christ (KOJC) nga si Arlene Stone nga lakip sab sumala pa si kanhing Pangulong Rodrigo Duterte nga nakabenipisyo sa mga batang babae nga nahimong biktima ni Pastor Apollo Quiboloy.
Samtang gikumpirma usab sa Philippine National Police (PNP) nga gunit na nila ang usa ka indibidwal nga sumala pa kanhing miyembro sa armadong grupo ni Pastor Apollo Quiboloy nga ginganlan ug Angels of Death.
Sumala pa ni Fajardo, gipamatud-an sa kanhing miyembro ang mga nauna nang gipaguwa nga mga taho nga sumala pa ang nahisgutang grupo maoy ginagamit alang sa personal interest sa Pastor ug sila mismo matud pa ang ginabuhat nga panghadlo sa mga gikaingong biktima ni Pastor Apollo Quiboloy.
