-- ADVERTISEMENT --
Mas gipakusgan karon sa Philippine National Police (PNP) ang ilahang pagmonitor sa presyo sa mga nag-unang palaliton karong Semana Santa.
Mibutyag si PNP chief Gen. Jose Melencio Nartatez Jr. nga aduna sila’y nadakpan nga mga indibidwal nga nagsaka sa presyo sa ilahang mga produkto. Kauban sa PNP ang Department of Trade and Industry (DTI) nga naglibot sa mga palengke aron masiguro nga walay iligal nga pagsaka sa presyo.
Gihangyo sa PNP ang publiko nga dali nga ireport sa kapulisan ang mga nakit-an niining nagpasaka sa presyo sa palaliton.
