Naghatag og pagpaklaro si Philippine National Police kon PNP Chief Gen. Rommel Francisco Marbil nga wala nila gi-relieve o gihawa sa pwesto ang 75 ka mga personahe sa PNP ug Security personnel gikan sa Office of the Vice President.
Kahinumdumang opisyal nga gikumpira sa OVP pinaagi sa usa ka official statement ang pagkarelieve sa maong mga personahe nga gidestino nga magsilbi kaniya.
Lakip matud pa nga sa maong gipangrelieve ang 33 ka mga close-in security personel nga nagsilbi sa Bise Presidente sukad pa niadtong panahon nga kini siya ang milingkod isip Mayor sa dakbayan sa dabaw.
Pagkumpirma sa Bise President nga niadtong Hulyo 22 atol sa SONA ni Pangulong Ferdinand Marcos Jr. adunay giisyu si PNP Chief Marbil nga mando sa pagrelieve sa 75 ka mga personahe sa PNP ug Security group.
Dugang pa ni Marbil nga ang maong pagbawas sa mga security personnel sa bise presidente ug lakip na usab sa retired general.
Matud pa nga kinahanglan kuno ang tabang sa NCRPO maong kini sila ang gilakip sa regular rotation.Pagsiguro usab sa Bise Presidente ngadto sa publiko nga dili maapektuhan sa maong mandato ang trabaho sa Office of the Vice President.
Matud pa nga magpadayon lamang gihapon ang iyahan trabaho aron maghatod ug serbisyo sa mga Pilipino, ilabi na sa underserved nga mga komunidad sa nasud.
Nagalauma usab ang bise presidente nga ang maong direktiba ang makahatag og dalan aron mapakgang ang krimen sa nasud Pilipinas.
