Padayon ang pakig-koordinar sa mga coastal barangay ug sa mga mananagat sa lalawigan sa Pangasinan ang Philippine Drug Enforcement Agency (PDEA) human marekober ang pito ka sako nga naglutaw-lutaw sa kadagatan sa kasadpang bahin sa Pangasinan.
Ang maong mga sako nga nakit-an sa mga mananagat adunay sulod nga giingong iligal nga droga kon shabu ug kini nagkantidad og kapin sa upat ka bilyong piso. Matod pa ni Police Captain Rowell C. Isit, hepe sa PNP Drug Enforcement Group sa maong dapit, nga kauban nila ang PDEA, Philippine Navy ug uban pang ahensya sa gobyerno aron marekober ang maong iligal nga droga.
Sumala pa sa hepe sa maong buhatan, nga nagmalampuson ang kooperasyon sa kapulisan, PDEA, PH Navy ug uban pang mga yunit sa gobyerno sa pagrekober sa giingong illegal nga droga.
Tungod niini, gi-alerto na nila ang mga kapulisan sa mga coastal municipalities sa Pangasinan nga pakusgan ang ilahang pagbantay human sa paglutaw sa ubang mga sako sa droga sa lain-laing mga lungsod sama sa Bolinao ug Agno.
