DAVAO CITY – Ipailalom na karon sa mga programa sa kagamhanan ang pito ka mga combatants nga sakop sa New People’s Army (NPA) diin kalakip na niini ang duruha ka mga minor de edad nga una ng mitahan sa tropa sa kagamhanan dungan sa gipahugtan nga developmental efforts ngadto sa komunidad.
Sumala pa kang Captain Mark Anthony Tito, commander sa Division of Public Affairs Office sa 10th Infantry Division based sa Mawab, Davao de Oro nga ang nahisgutan nga mga rebel returnees ang mga miyembro sa Weakened Guerilla Front (WGF) 3, Sub Regional Committee 4, Southern Mindanao Regional Committee (SMRC) sa NPA.
Boluntaryo sumala pa nga mitahan ang grupo sa 60th Infantry Battalion nga nakabase sa Sitio Tawinian, Barangay Gupitan, Kapalong, Davao del Norte.
Gidala ang mga nahisgutan sa tribal leader sa Sitio nga si Datu Muloy Malasag. Dala sa mga nahisgutan ang upat ka mga high-powered firearms.
Naila ang mga nahisgutan nga sila si Toto Morgades Tumagsa, 21 anyos; Rene Tumagsa Tiklonay, 19; Lyka Casal Velis, 23 years old; Ronafe Catarata Adregado, 19; ug Monding Tilocan Balanban, 48 anyos.
Gikanayong sila si Tumagsa ug Tiklonay ang susama nga team leaders sa WGF 3.
Duruha ka minor minor combatants nga mitahan ang gilangkuban nila ni Jeboy Manlahag Lahindao, 16, Supply Officer sa WGF 3, SRC 4, SMRC; ug Myrna Langgaron Mantog, 15 anyos.
Gitataw sab ni Tito nga ang mga surrenderers nakadesisyon nga mobiya sa kalihokan tungod sa tumang kagutom, kahadlok, ug stress nga dala sa walay undang nga military operations sa mga kasundalohan sa La Paz, Agusan del Sur.
