DAVAO CITY – Narescue ang usa ka piso sa serpent eagle gikan sa mangangayam sa Macambol, Mati City, Davao Oriental. Mismong si Ferdinand Mabandos, usa ka retired police kinsa nanag iya og beach resort sa Mati City, ang nirescue sa maong langgam gikan sa mangangayam nga matod pa niagi sa iyang beach resort sayo sa buntag.
Sumala pa ni Zaldy Lumaan, gikonsidera nga abunda sa biodiversity ang lugar diin nadakpan kining usa ka serpent eagle.
Bisan paman nga wala na classified ang serpent eagles nga endangered birds, pero illegal gihapon ang pagdakop niini.
Gilayon usab nga gi turned over ang maong langgam sa DENR office sa Mati City diin gikatakda nga ibalhin sa rehabilitation facility sa Tagum City.
Nasayran nga ang coastal village sa Macambol gideklarang Philippine Eagle Sanctuary sa gobyerno. Labi nga sakop kini sa Mount Hamiguitan Range and Wildlife Sanctuary, ang nag inusarang World Heritage Site sa Mindanao.
