DAVAO CITY – Hingpit nang gitanggal sa katungdanan ang engineer ug safety officer sa WITCO Construction and Development Corporation nga usa sa mga contractors sa Davao City Bulk Water Supply Project human sa pagkamatay sa usa sa upat ka mga trabahante sa Buhangin Pipeline kaniadtong Abril 21.
Sumala sa gipagawas nga pahayag gikan sa contractor, ilaha nang gisugdan ang imbestigasyon aron masayran ang kinatibuk-ang panghitabo.
Sumala pa sa WITCO, andam mutubag ang kumpanya kon dunay namatikdang sayop sa kabahin sa supervisor ug safety officer nga anaa sa maong insidente.
Dugang pa, nagsugod sila sa re-orientation sa ilang mga project leads ug mga trabahante aron masiguro ang higpit nga pagsunod sa Occupational Safety and Health Standards.
Nagpaabot sab og hinabang ang kumpanya sa pamilya sa namatay ug nangaangol nilang mga trabahante.
Gisuspinde una ning kasamtangan ang tanang trabahuon nga may kalabutan sa maong proyekto hangtud ila nang mapasibaw ang mga lakang sa kaluwasan sa ilang mga trabahante.
via || Bombo LJF
