Gitumbok ni House Approriations Commitee Vice-Chairman ug Ako Bicol partylist Rep. Jil Bongalon nga pipila sa mga nahimong biktima ni Kingdom od Jesus Christ Pastor Apollo Quiboloy ang anaa na sa ilawom sa Witness Protection Program (WPP) sa Department of Justice.
Atol sa pag pangutana ni Gabriela Partylist Rep. Arlene Brosas kalabot sa pag rekisa sa proposed budget sa DOJ, usa sa nahimong punto sa maong pangutana ang kabahin sa mga biktima nga mi-appy alang sa WPP.
Tubag usab ni Bongalon nga nahimo usab kining budget sponsor, nga mukabat sumala pa sa katunga na nga mga gikaingong biktima ni Pastor Quiboloy ang anaa na sa witness program ug ginalauman nga madugangan pa kini.
Sumala na usab sa taho sa ahensya, nag-atubang sa duha ka kaso nga child abuse ang ang maong pastor ug usa ka human trafficking case.
Dugang pa ni Bongalon, kung ugaling magpadala na ug request kalabot sa extradition ang US alang kang Pastor Quiboloy nga aduna sab kining ginakaatubang nga mga kaso sa maong nasud, musunod na lamang ang gobyerno sa Pilipinas.
Apan unahon sumala pa kini nilang humanon ang pagtaral sa mga kaso sa maong KOJC leader dinhi sa nasud ayha pa kini ipaatubang sab sa mga kaso niini didto sa Estados Unidos.
Dili sab sumala pa kini makahatag ug time table ang buhatan gumikan ginalauman pa nga adunay kabag-ohan sa maong proseso sa kaso kung ugaling madungagan pa ang mga reklamo batok sa pastor.
