DAVAO CITY – Gikabutyag nga pipila sa mga nadakpan nga naghupot ug armas ang walay gihuptan nga mga lisensiya atol sa police raids, checkpoints, ug search warrants.
Ang mga nadakpan susama nga mag-atubang ug kalapasan sa Republic Act 10591 o illegal possession of firearms and ammunition.
Kahinumduman nga panahon eleksiyon, hugtanon nga gidili ang pagdala o pagbiyahe sa mga dili lisensiyado nga armas ilabi na kung dili kini otorisado sa komisyon.
Una na sab nga gibutyag sa DCPO nga sa kasamtangan, wala matud pay lugar dinhi sa dakbayan sa Davao nga gipailalom sa Election Watch list Areas (EWAs) kini tungod malinawon sumala pa ang siyudad ug walay natalang kagubot sa milabay nga duha ka eleksiyon.
Gumikan niini, padayon karon nga nadungagan ang ihap sa mga indibidwal nga nakalapas sa gipatuman nga comelec gun ban.
Sumala sa DCPO, nagkadaghan na sa mga indibidwal ang nasikop ug kasagaran niini ang nababagan samtang mibyahe sa checkpoint pasulod dinhi sa siyudad.
Una ng gibutyag ni DCPO spokesperson Maria Teresita Gaspan nga kadaghanan sa mga nadakpan ang temporaryo nga gisuspende ang pagpatuman sa permit to carry firearms outside of residence (PTCFOR) sukad nga gisugdan ang pagpatuman niini kaniadtong Enero 9.
