DAVAO CITY Daghanan nga mga truck sa basura ang napuno atol sa paghinlo sa mga kanal sa tulo ka mga barangay dinhi sa dakbayan sa Davao kagahapong adlawa.
Gilakipan ang nahisgutan nga mga basura sa mga plastic, cellophane, petropack ug empty bottle sa tubig, ug lakip na ang mga sudlanan sa energy drink.
Gumikan sa kadaghan sa mga basura migamit pa ang ancillary services unit ug ang City Engineers Office alang sa paghakot niini gumikan kay nalubong na kini sa lapok.
Ang nahisgutan nga mga basura ang nahimong hinongdan nga barado ang mga kanal sa Barangay 37-D, Barangay 39-D, ug Barangay 76-A.
Sumala pa kang Eng. France Japeth Caballero, team leader sa ASU nga gawas sa basura napuno sab ug sebu ang kanal gumikan sa barbecuehan sa dapit.
Gi-awhag niini ang katawhan nga mangunay na sa paghinlo sa tugkaran ug palibot sa ilang mga balay.
