Gikondena sa mga grupo sa mga magbubuhat ang indignation rally sa Maynila, bahin kini sa giaprobahan sa Bicameral Conference Committee alang sa 2025 nga nasudnong pondo og dinhi gitagaan og zero subsidy ang PhilHealth.
Sumala kang kanhing Department of Finance (DOF) undersecretary Cielo Magno, nga ang gibuhat karon sa kongreso sa Philhealth nagpasabot sa pagpang-ipit gumikan ang tumong sa mga kongresista nga dugangan ang ilahang kaugalingon pundo sama sa pag apud-apud og mga ayuda sa publiko ug gitalikdan niini ang kahimtang bahin sa panlawas.
Gibatikos sab niini si House Speaker Martin Romualdez gumikan walay matud pa kini lain gibuhat og diin kanunay ra matud pa kini nagabyahe dayon nga mag apud-apud og AKAP nga usa kuno ka kabahin sa TAX sa mga tao apan gina-angkon na ni Romualdez kini.
Nanawag sab ang mga trabahante nga ‘veto, restore ug reform’ diin ginapa-veto nila kang Pangulong Ferdinand ‘Bongbong’ Marcos Jr. ang naritipikahan nga bersyon sa Bicam na National Budget, sigon nila nga ibalik ang subsidiya sa PhilHealth.
Dugang pa nila nga mubuhi na sa puwesto sa liderato sa Department of Health (DOH) ug PhilHealth nga si Sec. Ted Herbosa nga kasamtangan nga Chairman sa PhilHealth Board ug gamiton matud pa ang sobra nga pondo sa PhilHealth.
