DAVAO CITY – Dali nga gi-atiman ang kahimtang sa mga residente sa Caraga Davao Oriental human nga nakasinate ang mga nahisgutan nga lugar ug diarrhea outbreak.
Kahinumduman nga daghanan ang gidala sa evacuation center sa nahisgutan nga dapit kagabie human nga nakasinate ug grabe nga pagpanakit sa ilang tiyan.
Gikanayong anaa sa 300 ka mga indibidwal gikan sa siyam ka mga sitio sa Barangay Santiago sakop sa nahisgutan nga lalawigan ang nakasinate karun ug diarrhea outbreak. Usa sa mga gitudlong hinungdan niini ang kontaminasyon sa tubig ma-inom sa nahisgutan nga dapit.
Una ng gibutyag ni Vice Mayor Melody Ann Benetiz nga nakatala ug kaso sa diarrhea ang Sitio Atipo sakop psa nahisgutan nga barangay apan apektado na sab niini ang uban pang mga dapit sa lugar ug daghanan na nga mga residente ang gidala sa evacuation center.
Una na sba nga gibutyag ni Dr. Chris Anthony Limen, Caraga municipal health officer, maka-alarma ang mga nagkag-diarrhea sanglit paspas ang pagsaka niini diin sulod lamang sa halos 48 oras, anaa na sa 150 ang kaso.
Gawas sa Sitio Atipo, daghanan sab ug daghanang kaso sa kasikbit niini nga barangay nga Sitio Lower Mansanas nga anaa sa 110 ka kaso.
Gisubay pa sab nila karon ang gikatahong namatay sa Barangay Santiago gumikan sumala pa sa dehydration. Sa kasamtangan, ginadid-an una nila ang muinom ang mga residente sa ilang faucet human nga gibutyag sa Davao Oriental provincial health office nga kontaminado sa cholera ang tubig sa lugar hinungdan nga nanawagan sila ug tabang alang sa mga apektadong residente gumikan kay kinahanglan karon sa mga nahisgutan ang tubig mainom.
Sayo sa milabay nga tubig dihang natala sab sa lugar ang outbreak sa diarrhea diin una ng nagpahimangno ang sanitary office sa probinsiya nga kinahanglan ipailalom sa rehabilitasyon ang water system.
Mihangyo sab karon ang local health office ug dugang pa nga mga health personnel aron mo-augment sa health workers sa munisipalidad apan okupado sumala pa ang Regional Epidemiology Surveillance Unit (RESU) Region-11 gumikan kay nangandam sa vaccination sa singko hangtud 11 anyos nga mga bata nga magsugod sab karung adlawa.
Gumikan kay dili tanan ang maakomodar sa local health center plano nila karon nga i-convert ang uban nga COVID-19 quarantine facility ngadto sa infirmary.
Hinuon tanan sumala pa nga mga pasyente nga na-confine sa Caraga Caraga Health Center ang anaa sa “stable.” Ang kahimtang.
