DAVAO CITY – Gipanubayan pa karon sa mga sakop sa kabomberohan ang kinatibuk-ang damyos sa nahitabong sunog nga natigayon sa Sandawa Road, likod lamang sa Convenience store pasado alas otso kagabie.
Kahinumduman nga gilayong miresponnde ang mga sakop sa kabomberohan ingon man mga volunteers hinungdan nga gilayon nga napugngan ang pagkatag sa kalayo.
Kahinumduman nga gisubay pa sab karon ang kinatibuk-ang ihap sa mga balay nga gilamoy sa kalayo. Hinuon walay natala nga casualty ang otoridad human ang insidente.
Giimbestigahan na sab sa otoridad kung asa nanukad ang sunog ug ang hinungdan niini.
Gikanayong paspas nga mikatag ang kalayo sanglit kadaghanan sa mga pinuy-anan sa lugar ang gama lamang sa mga light materials.
Gi-deploy sab dayon sa lugar ang Mobile Kitchen arun masiguro nga adunay makaon ang mga apektadong residente.
Gikatakda sab nga ipailalom sa evaluation sa mga personahe City Social Service Welfare Administration ang mga apektadong residente arun mahatagan gilayon ug hinabang ang mga nahisgutan.
