Pipila ka mga Pinoy sa Japan buot nang mouli human sa missile test sa North Korea

DAVAO CITY – Pipila na ka mga Filipino nga tua na manarbaho o nanimuyo sa Japan mibati na ug kabalaka sa ikaduhang higayon nga gipahadyungan sila sa Intercontinental Ballistic Missile. Sa pakihinabi sa Bombo Radyo Davao, sumala pa kang alyas Maria nga tua sa Tokyo, Japan apan lumad sa Barrio Obrerro, ning dakbayan sa Davao nga mibati na ug kabalaka ang pipila niya ka mga kaubanang mga Pinoy, bisan kung wala maalarma ang Japan. Sa kadagatan dapit sa Hokaino nahulog ang nahisgutan nga tipaka sa missile ug layo kanila nga tua manimuyo sa Tokyo. Alang kang Maria wala makatarog sa kagamhanan sa Japan ang pagpalupad sa North Korea ug Missile sa nahisgutan nga nasod. Gani, sumala pa nila nga sa balita na lang sila nasayud kalabot niini. Salig sumala pa ang mga Hapon nga ang ilang kagamhanan makahimo gihapon sa pagpanalipod kanila gikan sa mga kaaway sama sa Noth Korea. Samtang, gibutyag usab ni Maria nga wala silay nabalitaan nga mihimo ug lakang ang Philippine consulate sa Japan aron kumustahon ang ma Pinoy ug seguraduhong naa sila sa luwas nga kahimtang.