DAVAO CITY – Dungan sa pagpailalom sa siyudad sa general community quarantine (GCQ) epektibo kagahapong adlawa hangtud Nobyembre 30, 2020, adunay i-deploy usab dinhi sa siyudad nga mga personahe gikan sa lain nga aron nga motabang sa sa response activities.
Una ng gibutyag ni Melquiades Feliciano, deputy chief implementer sa National Task Force (NTF) Against Covid-19 sa mga siyudad sa Bacolod ug Cebu, nga siya ang manguna sa Coordinated Operations to Defeat the Epidemic (Code) teams nga ipadala dinhi sa siyudad.
Usa sab ka Hospital Command Center ang itukod sa siyudad aron masiguro ang tukma nga referral system samtang gimandoan sab ang mga private hospitals nga palapdan ang ilang mga ward bed occupancy ngadto sa 20 percent hangtud 30 percent.
Himuon sab ang maong lakang aron masolusyonan ang kakulangon ug mga nurses sa health facilities. I-tap na sab ang mga accommodation establishments aron magsilbi nga quarantine facilities alang sa health workers diin kini ang magsilbing isolation facilities alang sa mga nagpositibo sa Sars-CoV-2, ang virus nga hinungdan sa Covid-19.
Gimandoan na sab ang mga Law enforcement agencies nga mo-assist sa gipatuman nga granular lockdowns partikular na ang mga apektadong komunidad o clusters ug kung gikinahanglan ipakatag ang ilang mga personahe sa siyudad.
