DAVAO CITY – Ubay-ubay sa mga motorista ang gipabalik sa agi sa dihang napakyas kini sa pagpakita ug mga dokumento nga pwedi silang makasulod sa region eleven, homan gipatuman karong adlawa ang semi closed border sa Davao region.
Kung kahinumduman gipatuman ang nahisgutang kamando-an sa kapulisan aron kalikayan pa ang pagdaghan sa mga nataptan sa coronavirus subay sa gipagawas nga resolution sa Regional Inter-agency task force for the management of emerging infectious diseases.
Sa higayon nga adunay mosulod nga sakyanan sa mga utlanan o boundary sa region-eleven, gipahunong dayon kini sa kapulisan aron ma-imbestigahan.
Gipaderetso sa kapulisan ang mga magdala ug mga produktong pagkaon, samtang gipangitaan ug mga dokumento ang mga authorized persons outside residence nga nagpamatuod sa ilahang pagbyahe.
Kung ugaling mo-agi lamang sa dakbayan sa Davao, gikuhaan kini ug mga dokumento lakip na ang plate number sa sakyanan ug gipahibalo ang checkpoint sa lugar nga gawasan niini.
Samtang kadtong ordinaryo lamang ang pagsulod sa region eleven, gipangitaan na kini ug negatibong resulta sa RT-PCR sulod sa 72 ka oras.
Samtang giangkon sa kapulisan nga daghan lamang gihapon ang wala makahibalo sa nahisgutang sumbanan.
