DAVAO CITY – Gipakusgan sa Davao City Civil Registrar’s Office ang School Civil Registration Program diin giagi sa duha ka adlaw nga training ang 39 ka mga piniling teaching and non-teaching personnel gikan sa mga lagyong pampublikong tulunghaan nga magsilbing school civil registration agent.
Sumala pa ni CRO Birth Division Head Shirley Arendain, sila ang mu-assist sa pagparehistro sa ilang mga anak sa tulunghaan diin mahatud sab ang ilang nakalap nga data ngadto sa ilang opisina alang sa pormal nga mga aksyon.
Tagaan sila sa panggamhanan og honorarium alang sa ilang serbisyo.
Tumong sa maong programa nga mahatud sa iskwelahan ang pagparehistro sa mga unregistered nga mga bata nga anaa sa hilit nga mga lugar.
Sanglit, nakita nila ang maayong benepisyo ngadto sa mga ginikanan nga mas kumportable nga makahinabi ang mga magtutudlo kon itandi sa pakighinabi sa mga sakop sa CRO.
Nasayran nga pipila sa mga kabataan sa dakbayan ang wala pa nakarehistro alang sa ilang kaugalingong birth cerificate ang nagtungha sa elementarya.
Naglaum ang CRO nga makatabang ang maong programa sa pagtubag sa mga suliran sa birth cerification ug pagkalehitimo sa ilang estado dinhi sa dakbayan.
via || Bombo LJF
