Nadugangan pa ang gidaghanon sa mga lugar nga gibutang sa signal number 1 tungod sa bagyong Wilma.
Sumala sa Philippine Atmospheric, Geophysical and Astronomical Services Administration (PAGASA), napabilin sa Bagyong Wilma ang kusog niini samtang nagalihok paingon sa habagatang bahin sa nasud.
Nakita ang sentro sa bagyo nga mga 480 kilometro sa silangang bahin sa Catarman, Northern Samar.
Kini adunay hangin nga kusog nga 45 kilometro kada oras ug paghaguros nga moabot sa 55 kph.
Ang mga lugar nga gibutang sa signal number 1 tungod sa bagyong Wilma mao ang: Masbate: Cataingan, Pio V. Corpuz, Esperanza, Placer, Northern Samar, Eastern Samar, Samar, Biliran, Leyte, Southern Leyte, Cebu: Daanbantayan, Medellin, City of Bogo, San Remigio, Tabogon, Borbon, Tabuelan, Tuburan, Sogod, Catmon, Asturias, Carmen, Danao City, Balamban, Compostela, Liloan, Consolacion, Cebu City, Mandaue City, Cordova, Lapu-Lapu City, Toledo City, Pinamungahan, San Fernando, City of Naga, Minglanilla, City of Talisay, Aloguinsan, City of Carcar, Sibonga, Barili, apil na ang Bantayan ug Camotes Islands Bohol, Negros Occidental: Sagay City, City of Escalante, Toboso, Calatrava, Surigao del Norte: apil ang Siargao ug Bucas Grande Islands, Dinagat Islands, Surigao del Sur: Carrascal, Cantilan, Madrid, Carmen, Agusan del Norte: Kitcharao, Jabonga, Santiago, Tubay, City of Cabadbaran.
Gikabalak-an nga mag-landfall ang bagyo sa Eastern Visayas o Dinagat Islands sa gabii sa Biyernes, Disyembre 5, o sa buntag sa Sabado, Disyembre 6. Sa Domingo o Lunes sa buntag, motuyok ang bagyo sa Sulu Sea ug moagi sa northern Palawan.
