Pipila ka mga lugar sa dakbayan nakasinate ug pagbaha

DAVAO CITY – Gatusan ka mga pamilya ang naapektuhan sa pagbaha kagabii sa nagkadaiyang bahin sa dakbayan sa Davao ilabi na sa mga nanimuyo haduol sa Talomo River.

Gumikan sa nahisgutang panghitabo, adunay gipatuman nga preemptive evacuation sa mga apektadong residente sa nahisgutang pagbaha.

Dali-dali usab nga gialerto sa mga opisyal sa barangay inabagan sa Davao City disaster risk reduction management office ang mga apektadong residente ilabi na kadtong mga nanimuyo haduol sa mga kasapaan sa syudad aron makalikay sa peligro.

Lakip usab nga naapkektuhan sa pagbaha ang mga residente nga nanimuyo haduol sa Bunawan River.