DAVAO CITY – Nibida ang determinasyon og kahawd sa mga kabatan-onang Pilipino sa gipahigayong Ironkids, ang spin off tournament sa Ironman 70.3 nga gilusad sa Azuela Cove kagahapon.
Nanguna sa gipahigayong Ironkids dinhi sa Davao City kagahapon sila Euan Ramos ug Carlisle Bravo alang sa 13-15 age-group division nga gilangkuban sa 250m swim and 2km run course.
Samtang daog sila Dustin Bersabal ug Christy Ann Perez, sa nagkandaiyang 11-12 swim and run event category nga gilukop ang 200m swim and 1.5km run nga ruta, ug sila Francis Batican ug Aliya Adre alang sa 9-10 years old category o 150m swim and 1.5km run course.
Nanguna sab sila Jashiva Arsua ug James Tagara alang sa 6-8 years old category o 100m swim and 1km run course sa maong torneyo.
Kon itandi sa ubang mga edisyon sa Ironkids, wala kaayo’y giproklama nga mga mananaog karon tuiga. Apan, gipasinati sa maong event ang excitement sa mga kabataan nga nisalmot sa maong karera.
Nahimo sab kining pundasyon sa mga future stars sa triathlon ang mga birtud sa disiplina, sportmanship ug respeto sa matag manduduwa, samtang ginaaghat niini nga malambigit sa mga sporting events ang mga kabataan nga layo sa pagkaadik sa mga gadgets ug pagdani kanila ngadto sa healthy lifestyle.
via || Bombo LJF
