DAVAO CITY Anaa na matud pa karon sa kapin 800 ka mga mamumuo ug 57 establishments nga apektado sa modified enhanced community quarantine (MECQ) ang mi-apply sa emergency employment assistance sa lokal nga kagamhanan pinaagi sa Programang Trabaho Dabawenyo.
Sumala pa kang Commissioner Norman Baloro, head sa PCUP, hatagan nila ug prayoridad karon ang empleyado nga apektado karon sa MECQ kini base na sab adlaw nga wala silay trabaho.
Sakop ang mga aplikante sa zero operational capacity ilalom sa Department of Trade and Industry (DTI) Memorandum Circular 21-19 Series of 2021 sugod kaniadtong Hunyo 20, 2021 diin gipailalom ang siyudad sa MECQ.
Kahinumduman nga gi-awhag ni Mayor Sara Duterte ang mga dabawenyos nga apektado sa MECQ nga mo-avail sa programa.
Kahinumduman nga pipila sa mga establisyemento nga wala gitugtan nga mangabli ilalom sa MECQ subay sa guideline sa DTI ang gilangkuban sa indoor non-contact sports courts o venues, fitness studios, gyms, spas, ug uban pang leisure centers o facilities; indoor sports, courts o venues alang sa contact sports, scrimmages, games, o activities; indoor visitor o tourist attractions, libraries, archives, museums, galleries, ug cultural shows ug exhibits; outdoor tourist attractions; venues alang sa meetings, incentives, conferences, exhibitions ug daghanan pa.
Apan gitino sa DTI-11 nga sa Hunyo 5, bugtong beauty salons, beauty parlors, barbershops, ug nail spas ang gitugtan nga mag-operate ug 30 percent sa ilang maximum capacity basta kay magsuot lamang ug face mask ug face shield ug kinahanglan nga i-obserba ang social distancing sa tanang panahon.
