DAVAO CITY – Ubay-ubay ka mga estudyante gikan sa rehiyon ang nahimong topnotchers sa bag-ohay pa lamang nga pagpagawas sa March 2022 Licensure Examinations of Teachers (LET)-Elementary Level.
Kinatibuk-ang 10,039 gikan sa 20,567 examinees o 48.81 percent ang nakapasar sa exam.
Si Ermelyn Gang-on Floridad sa Davao Central College (DCC) ang anaa sa pinakataas nga spot sa Davao student-topnotchers, nga anaa sa ikaduha uban ang 91.80 percent.
Anaa sab sa rank number 3 si Noel Masucol Ramos Jr. sa Mati Doctors College uban ang average score nga 91.40 percent.
Rank number 6 si Monique Recorba Dela Corta sa Holy Cross of Davao College ug Elaiza Agbon Taga-an sa University of Southeastern Philippines (Usep)- Davao City uban ang average score nga 90.20 percent.
Samtang anaa sa rank 8 si Lodiza Lamano Magdilag human nga naangkon niini ang 89.40 percent, ug Emelyn Ali Armodia nga anaa sa rank number 10 uban ang average score nga 88.80 percent diin susama nga gikan ang mga nahisgutan sa University of Mindanao.
Subay sa gipagula nga listahan sa Professional Regulation Commission (PRC), sa kikatibuk-ang ihap sa mga nakapasar anaa sa 246 ang first-timers samtang 9,793 ang repeaters.
