Nagpatuman og pagsuspendi sa klase ang pipila ka mga tulunghaan karong adlawa dinhi sa rehiyon sa Davao gumikan sa gipaguwa nga advisory sa tsunami waves o minor sea-level disturbances sa nasud tungod kini sa magnitude 8.7 nga linog sa Kamchatka, Russia pasado alas 7:00 kaganihang buntag.
Subay sa gipaguwa nga pahimangno sa Philippine Institute of Volcanology and Seismology kon PHIVOLCS moabot sa ubos sa Usa ka metro ang katas-on sa pagtubo sa balod nga moabot ala Una hnagtod sa alas Dos kwarenta sa hapon.
Tungod niini ang probinsya sa Davao Oriental gilayon nga nagpagula og kamanduan sa tanang LGU nga ipatuman ang temporaryo nga suspensyon sa tanang tunghaan gikan sa elementary ngadto sa college level.
Lakip usab sa gimanduan ang temporaryo nga pagsirado sa mga tourism establishments sama mga beach resorts ug mga buhatan sa gobyerno nga nahimutang sa tsunami prone areas kon mga kabaybayunan.
Samtang sa lalawigan sa Davao Occidental gisuspenso usab ang klase sa tanang baybayong barangay sa mga nasakupan nga mga munisipalidad ilabi na ang Jose Abad Santos, Malita, Sarangani ug Sta. Maria Davao Occidental.
Samtang suspendedo usab ang klase sa mga lugar sa mga munisipalidad ug syudad sa probinsya sa Davao Occidental nga anaa duol sa kadagatan nga gilangkuban sa Sta. Cruz, Hagonoy, Padada, Malalag, coastal areas sa Sulop og mga coastal areas sa dakbayan sa Digos.
Sa probinsya sa Davao De Oro, nagpatuman usab og suspensyon sa klase ang Maco, Mabini og Pantukan ngadto sa
mga anaa duol sa kabaybayunan.
Dinhi sa Dakbayan sa Davao, nagpahimangno usab ang City Disaster Risk Reduction and Management Council sa tanang mga residente nga gidili ang pagligo sa mga kadagatan karon panahuna ug pagpanagat, ug pagsakay og bangka ingon man pagpaduol sa baybayon ug mga baba sa kasapaan.
Samtang kabahin sa suspensyon sa klase, ang DepEd Davao nagpaguwa usab og kamanduan isip kabahin sa paglikay sa epekto sa linog sa Russia pinaagi sa pagpahigayon og blended learning modality gikan sa elementarya ngadto sa sekondarya sa mga anaa nahimutang duol sa mga kabaybayunan dinhi sa syudad.
Giabisuhan usab ang mga teaching ug non-teaching staff nga magpatuman og work from home.
