DAVAO CITY – Ubay-ubay na ka mga driver sa Pampublikong sakyanan ang naka-claim na sa ilang fuel subsidy dungan sa deadline niini sa milabay nga adlaw nga dakung alang sa mga nahisgutan gumikan sa sunod-sunod nga pagsaka sa presyo sa mga produktong petrolyo.
Pipila sa mga driver ang midagsa sab sa buhatan sa Land Transportation Franchising and Regulatory Board (LTFRB)-11 sa Libby road Puan ning siyudad arun lamang makuha ang ilang Pantawid Pasada Program (PPP) card nga ayuda arun nga dili mabug-atan ang mga driver sa higayon nga magpatubil sa ilang mga unit.
Sagad sa mga driver ang wala gilayon naka-claim sa ilang fuel subsidy bisan nga gilugwayan na bulan sa pagkuha niini sanglit wala pa nila naasikaso ang uban pa nga mga rekisitios nga gipangayo sa ahensiya.
Sa kasamtangan , naghulat na lamang ang LTFRB-11 sa kamandoan sa ilang central office sa kaulohan kung lugwayan pa ba ang pag-release sa PPP card ug kung aduna pay laing hugna sa fuel subsidy nga ihatag sulod karung tuiga.
Kahinumduman nga misaka pag-ayo ang presyo sa mga produktong petrolyo kini tungod sa nagpadayon nga kagubot tali sa Russia ug Ukraine.
