DAVAO CITY – Gikanayon ni Pol. Major Eudisan Gultiano, tigpamaba sa Police Regional Office (PRO)-11 nga ubay-ubay na ka mga AFP-PNP checkpoint ang gimuntar karon sa Davao region diin kabahin pa gihapon kini sa ilang lakang aron lamang masiguro nga mapatuman ang kahusay ug kalinaw ilabi na sa nagsingabot nga May 2022 National and Local elections.
Sumala sa opisyal nga sukad nagsugod ang election period, anaa na sa kapin 20,000 ka mga personahe sa kapulisan ug kasundalohan ang gipakatag sa kapin 2,000 ka mga gitukod nga checkpoint sa mga nagkadaiyang lugar sa Davao region.
Gikanayong pinakadaghan sumala pa ug checkpoint nga gitukod ang sa Davao Oriental nga anaa sa 923; Davao de Oro – 824; DCPO – 736 ; Davao del Norte – 539 ; Davao del Sur – 4671 ug Davao Occidental – 75.
Samtang mikabat na sab sa 33 ka mga indibidwal ang ilang nadakpan atol sa pagsugod sa election period diin 32 niini ang nagsikop human nga nakalapas sa gipatuman nga Comelec Gun ban.
Anaa sumala pa sa 45 ka mga baril ang ilang na kumpiska, upat ang deadly weapons, 131 ang ammunition diin kining tanan ang kabahin sa gipatuman nga police operations.
