Gipatuman sa Office of the City Building Official (OCBO) ug Philippine Institute of Civil Engineers (PICE) ang rapid visual inspection sa pipila ka establisemento sa Davao City ug nagpaguwa og Red ug Yellow Tag notices karong Oktubre 13, 2025.
Ang Red Tag nagpasabot nga bawal ang pagsulod sa building tungod sa grabe nga kadaut ug peligro sa seguridad.
Ang mga establisemento nga nadunggan sa Red Tag mao ang Mapua Malayan Colleges Mindanao (Administrative ug School Building), The Velvet Suites and Hotel / Oroderm City, Magallanes Residences (Toledo-Building 3), ug Teleperformance Davao (Part of SM Annex Bldg).
Samtang ang Yellow Tag nagtimaan nga limitado lang ang paggamit sa building tungod sa moderate nga structural o non-structural damage, ug kinahanglan pa og pag-ayo bago makabalik sa full occupancy.
Ang mga establisemento nga nadunggan sa Yellow Tag mao ang Felcris Centrale (Buildings A, B, ug C), Gaisano Mall of Davao – Bajada (Parking Building), Vivaldi Residences Davao, ug Mesatierra Garden Residences.
Gipahimangno sa OCBO ang tanang establisemento nga strikto nga sundon ang safety requirements ug kondisyon sa paggamit aron masiguro ang proteksyon sa mga residente, tenant, ug publiko.
Padayon usab ang inspeksyon sa ubang establisemento nga adunay makita nga liki.
