DAVAO CITY – Pipila ka mga barangay sa dakbayan sa Davao ang gitangtang na isip Very High-Risk category samtang ang uban kinahanglan na lamang hugtanon nga pagmonitor kini base na sab sa bag-ohay pa lamang nga assessment sa Davao City Covid-19 Task Force.
Sa ulahing risk assessment report sa Davao City Covid-19 Task Force nga gipagula kagahapong adlawa, ang Barangay Bucana, Buhangin Proper, Maa, Matina Crossing ana anaa na karon sa High-Risk Areas, kauban ang barangay 5-A.
Ang nahisgutan nga barangay ang kanhi anaa sa Very High-Risk Area sa milabay nga Hunyo 27 hangtud Hulyo 3.
Samtang ang barangay 23-C, Agdao Proper, uh Leon Garcia ang anaa sa Very High-Risk Area category.
Samtang miubos na sab ang category sa Barangay Cabantian nga anaa na lamang sa Moderate Risk Area gikan sa Very High-Risk Area classification.
Apan ang Matina Aplaya misaka ngadto sa High-Risk category gikan sa Moderate Risk Area samtang ang uban nga mga High-Risk areas ang gilangkuban sa 15-B, 26-C, Tomas Monteverde.
Samtang gikan sa High-Risk areas, ang mga Barangay 19-B, 22-C, Talomo Proper, Wilfredo Aquino, 1-A, 31-D, 39-D, 40-D, Magtuod, Waan ang anaa na karon sa Moderate Risk areas.
Apan ang Barangay Binugao ug Dalagdag ang nahimo na karon nga Moderate Risk gikan sa Low Risk Area.
Padayon ang pahimangno karon sa lokal nga kagamhanan ngadto sa publiko kalabot sa implikasyon sa nahisgutang risk assessment classifications.
Mamahimo sumala pa nga makatabok ang mga residente nga nanarbaho sa laing barangay basta kay magdala kini ug health and safety guidelines nga gimando sa Department of Health (DOH) ug kinahanglan motamud sa symptom screening.
