DAVAO CITY – Makasinati ug walay suplay sa kuryente ugmang adlawa ang pipila ka bahin sa dakbayan sa Davao.
Kini subay sa gianunsyo sa Davao Light and Power Company (DLPC) nga adunay ipatuman nga scheduled power interruptions sa pipila ka bahin sa City Downtown, City North, ug City South areas.
Ugmang adlawa magsugod sa alas 7:00 sa buntag hangtod sa alas 3:00 sa hapon nga walay kuryente ang Ciudades Main Road entrance padulong Indangan Barangay Hall, lakip ang Villa Alevida, Dasi Indangan, Purok Birhen sa Lourdes, portion of Malagamot Road padulong sa Purok 6 San Isidro Labrador, ug bahin sa Mudiang Road, Millenium Village Indangan ug duol nga mga lugar.
Samtang ugmang adlawa gihapon, sugod sa alas 9:00 sa buntag hangtod sa alas 5:00 sa hapon maapektuhan ang pipila ka bahin sa Durian St., Lanzones St., Guava St., Pomelo St., Mahogany St., Carnation St., Atis St., Gladiola St., Mt. Ayo St., Dahlia St., Muslim Village, NHA Bangkal, ug duol nga mga lugar.
Samtang sa Hunyo 25, adlaw nga Martes sugod sa alas 9:00 hangtod sa alas 5:00 sa hapon walay kuryente ang pipila ka bahin sa Durian St., Romblon St., Chico St., Rambutan St., Coco St., Anahao St., Abaca St., Rattan St., Cogon St., NHA Relocation, Bangkal, ug duol nga mga dapit.
Karong Hunyo sa adlaw nga Myerkules, sugod sa alas 11:00 sa gabii hangtod sa alas 7:00 sa buntag, walay kuryente ang pipila ka bahin sa Bougainvilla St., Agdao ug duol nga mga lugar lakip ang Waling-Waling St., Cadena De Amor St., Sunflower St., Lakandula St., Salindatu St., Del Rosario St., Orchid St., Jasmin St., Rose St. ig R. Castillo Street.
Sumala sa DLPC nga adunay ipahigayon nila nga line maintenance activity ug pangunahan sab niini ang upgrading sa linya sa kuryente sa nasampit nga mga lugar.
