DAVAO CITY – Sunod-sunod nga gitay-og ang pipila ka mga lalawigan sa Mindanao kagabii.
Nasinatian ang Magnitude 5.6 nga linog pasado alas 08:45 kagabii sa gilayon nga 31 kilometros amihanan-sidlakan sa Jose Abad Santos (Davao Occidental) ug adunay gilawmon nga 83 kilometros. Itensity III sa Glan, Sarangani, Intensity II sa General Santos City.
Sa Instrumental Intensities: Intensity IV sa Malungon, Sarangani; Intensity III -Alabel, Sarangani; Intensity II sa Kiamba, Sarangani; General Santos City; ug Tupi, South Cotabato.
Samtang alas 08:40 kagabie, nabati ang Magnitude 2.2 nga pagtay-og diin sentro niini ang Governor Generoso Davao Oriental.
Aduna kini gilawmon nga 32 kilometros. Hinuon walay natalang kadaut ug casualty ang sunod-sunod nga mga pagtay-og.
