DAVAO CITY – Gikatakdang magpatuman og road closures ang Davao City Transport and Traffic Management kon CTTMO alang sa mahitabong Banda Dasig ug Parada sa Pasko nga kabahin sa mga dagkong kalihukan atol sa Pasko Fiesta 2023.
Sumala ni CTTMO Head, Dionisio Abude, pasirad-an karong Disyembre 18 hangtod 22 sugod alas-tres sa kaadlawon ang mga dalan sa Roxas Avenue, C.M. Recto, Anda paliko sa Magallanes, ug dalan padulong San Pedro St. diin ipahigayon ang grand showdown sa Banda Dasig.
Samtang nakigkoordinar na sab ang buhatan sa DPWH aron dalian ang mga proyekto nga magresulta sa dugang nga kahuot sa trapiko.
Nagpahimangno ang opisyal ngadto sa mga tag-iya sa mga sakyanan nga mag-commute kon dunay lakaw aron dili matanggong sa huot nga trapiko.
Ang Banda Dasig ang usa ka competition diin magtigi ang mga drum and bugle corps gikan Davao City ug sa managlahing lugar gawas sa dakbayan.
Samtang ipakita sab atol sa Parada sa Pasko ang mga maanindot nga mga Christmas floats gikan sa mga pampubliko ug pribadong institusyon sa dakbayan.
via || Bombo LJF
