Nakasinati og mga pagbaha ang pipila ka kadalanan sa syudad human sa kusog nga bundak sa ulan kagabii, Agosto 15, 2025.
Lakip sa mga apektadong lugar, mao ang J.P. Laurel Avenue sa Bajada, diin nahimong palisuray ang biyahe sa mga motorista ug pasahero tungod sa taas nga tubig.
Gibaha usab ang F. Torres Street, ilabi na ang daplin sa mga kadalanan; ang Iñigo Street ug Loyola Street sa Obrero; ug ang Roxas Avenue nga usa sa mga dagkong kalsada sa sentro sa syudad.
Apektado usab sa pagbaha ang Bonifacio Street sa Poblacion.
Sumala pa, nga dali misaka ang tubig nga maoy hinungdan sa pagkalisod sa pagbiyahe sa mga motorista ug komyuter. Hinuon, walay natala nga adunay dakong kadaot nga nahitabo, atol sa pipila ka mga natigayong pagbaha sa syudad.
Giawhag sab karun ang mga residente dinhi sa dakbayan, nga kanunayng magmaigmat hilabi na sa kalit-kalit nga mga pag-ulan aron malikayan ang kaugalingon sa posibleng kapeligrohan.
