DAVAO CITY – Daghan ang nahinangop sa dihang gi-deklara ang Martial Law sa tibuok Isla sa Mindanao, sulod na sa unom ka adlaw karon.
Kini gumikan sa pagpangatake sa Maute Group nga supporters sa grupong ISIS sa dakbayan sa Marawi. Bisan pa niini daghan sab ang m ipakita ug pagsupak sa deklarasyon ni Pangulong Rodrigo Duterte.
Sumala pa kang Christian Espinosa, sakop sa Philippine Political Science Association, Instructor sa Information Literacy daw nagsapaw-sapaw na ang gahum nga gigamit ni Pangulong Rodrigo Duterte gumikan kay wala pa gani napakawad-an ug gahum sa Pangulo ang Proclamation 55 nga mipahimutang sa tibuok nasod sa State of Emergeny human sa pagpamomba sa dakbayan sa Davao niadtong Septembre 2, 2017 nga gikamatay sa kinse ka mga tawo ug gika-angol sa kapin setenta ka mga biktima, sa dihang gibombahan ang Roxas Avenue Night Market.
Ang nakasakit niini gumikan kay giwagtang na ang habeas corpus, ug ang si bisan kinsa nga mga suspek mamahimo na nga pagadakiop.
Gihimong panig-ingnan ni Espinosa ang gidangatan sa halos 300 ka mga residente sa Barangay 23-C Mini –Forest Boulevard ug Baran gay 76-A nga agipangronda ubos sa Oplan Bolabog ug nasuta nga wala’y nga identificfation card ug gipangdala sa DCPO Barracks ug gip[roseso ang mga profile ug gikuha-an ug mugshots, dayon gipapauli.
Hinoon gipasi-atab sa kagamhanan nga lahi na ang martial law ubos sa Duterte administration, apan makapabalaka sab ang pahnayag sa pangulo nga nagkanayon nga ang iyang martial law ug ang kang Marcos wala’y kalainan.
