Mipasaka ug petisyon sa Supreme Court (SC) ang pipila ka Mindanawon lawyers.
Tumong sa petition for Certiorari and Prohibition nga kwestyunon ang nahimong proseso sa impeachment nga nagagikan kuno sa reklamong gipasaka sa kamara.
Gihisgutan usab niini nga ang pagsugod niini ang adunay mga procedural errors, Constitutional infirmity ug jurisdictional void.
Ang mga nagsubmitar sa petisyon mao si Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva ug uban pa.
Gipresenta sab kagahapon sa buntag sa mga konsehal ning dakbayan sa Davao ang draft copy sa gipasang-at nga petition aron nga i-review ang ligalidad sa articles of the impeachment batok kang VP Sara Duterte Carpio.
Anaa sa 93 ka panid ang gisang-at batok nila House Speaker Martin Romualdez ug Senate President Chiz Escudero,nga gipirmahan sa mga konsehal, mga abogado ug pipila ka mga opisyal sa gobyerno.
Tinguha sa maong petisyon nga mopaguwa og Temporary Restraining Order ang Korte Suprema ug pag-kuwestyon sa nahimong proseso sa impeachment nga nag-gikan sa reklamo nga giduso sa Kamara.
