DAVAO CITY – Gikanayon ni Joy Tolentino, nga nakabase karon sa nasud Ukraine nga wala gayud nila damha ang kalit nga pag-ulbo sa giyera tali sa mga tropa sa Russia ug Ukraine.
Gibutyag ni Joy nga dihang miulbo na ang tensiyon sa duruha ka mga nasud, gilayon sila nga mihiklin tungod sa kabalaka nga mapagan sila sa binaylo-ay ug mga bala.
Sagad sumala pa nga target sa mga Russian troops ang mga gasolinahan ug airport sa Ukraine nga maoy labing nakatala karon ug grabeng kadaut.
Gitataw sab sa nahisgutan nga wala siya nakahikling patabok sa Poland gumikan sa grabe nga traffic hatud sa daghanang mga indibidwal ang buot nga makasulod sa kasikbit nag nasud aron nga dili sila mapagan sa giyera.
Posibleng malisdan na sab siya nga makasakay sa Bus ug ma-ipit nga hugot nga trapiko sa kalsada.
Hinuon mapasalamaton si Joy sa iyang agalon ug wala siya gipasagdan ug gidala kini sa mas luwas nga lugar o layo sa dapit diin nahitabo ang giyera.
Kahinumduman nga aduna nay mga Pinoy ang gidala sa embahada sa Pilipinas patabok sa Poland gamit ang mga bus dihang nagsugod pag-ulbo ang tensiyon tali sa duruha ka nasud sa milabay nga semana.
