Nagbangutan karon ang pamilya sa 27-anyos nga Pinay nga giilang si Marvil Facturan-Kocjančič human kining giluba-patay sa iyang Slovenian nga bana nga giilang si Mitja Kocjančič.
Nasayrang nakaangkon o daghanang samad dinunggaban ang biktima human kining gidunggab-patay sa iyang asawa sa makadaghang higayon.
Nahibaloan sab nga nagsugod ang relasyon sa biktima ug sa suspek niadtong Abril 9, 2024 ug gikasal sila niadtong Hulyo 29,2024.
Samtang miabot sa Slovenia ang biktima kauban ang iyang bana niadtong Disyembre 22, 2024 ug pag-abot sa Disyembre 29, 2024, pito kaadlaw ang milabay, nahibaloan na lamang nga namatay na ang biktima.
Narekober sab ang mga recorded videos sa biktima ug sa iyang bana sulod sa sakyanan ayha kini gikumpirmang patay na.
Apan, nasayrang dunay rekord ang suspek nga mental health problems.
Gani, gumikan sa mangilngig nga kamatayon niini, hugot kining gikondena sa Commission on Filipinos Overseas ug mibutyag nga padayon nilang panalipdan ang katungod sa matag Pilipino nga nanimpad sa langyaw nga kanasuran ug gidasig ang tanang nakasinati og domestic violence ug laing matang sa pagpangabuso nga idangop kini aron mahatagan og pagtagad.
