DAVAO CITY – Padayon karon nga nagpahigayon ug pagbakuna ang giilang pinakadaku nga vaccination site sa siyudad nga nahimutang sa Azuela Cove sa Lanang.
Kahinumduman nga mamahimong makapahigayon ug vaccinatioan nag nahisgutan nga dapit ug 1,000 ka mga indibidwal matag adlaw.
Apan gikanayon sa mga health workers nga sa kasamtangan, limitado pa lamang ang ilang dawaton kini tungod dili pa igo ang bakuna nga miabot karon sa dakbayan.
Sa higayon nga sunod-sunod na matud pa ang moabot nga supply sa bakuna, laoman nga mas daghanan na sa ilang mga mabakunahan.
Kahinumduman nga ang nahisgutan nga dapit ang dugang sa 21 ka mga vaccination sites sa siyudad.
Samtang aduna sumala pay pipila ka mga sites ang temporaryo una karon nga gihunong ang pagbakuna kini aron nga hatagan ug dalan ang himuon nga disinfection sa lugar ug hatagan ug kahigayonan nga maka-break ang mga staff.
Una na matud pa nga misaad ang National COVID-19 Task Force nga magpadala ug dugang pa nga Sinovac ug AstraZeneca vaccines ingon man 200,000 Pfizer vaccines diin aduna kini tentative schedule nga moabot sa Hunyo 6 ug 7.
