Gikumpirma sa Lawig Bubai, usa ka organisasyon nga nagasuta sa kanunayng sitwasyon sa mga babaye ug kabatan-unan sa dakbayan nga anaa sa 10 anyos ang pangidaron sa pinakabatang misulod ug biktima sa prostitusyon ning dakbayan.
Niadtong milabayng Oktobre 5 ning tuiga, alayon sa komemorasyon sa International Day of No Prostitution (IDNP), gibutyag ni Lawig Bubai Chairperson Lory Pabunag nga ang Davao City dunay 10-anyos nga nalambigit sa prostitusyon, samtang 76-anyos ang pinakatigulang.
Gani, sagad sa mga nalambigit sa maong binuhatan, nagabuhat og law-ay nga binuhatan bugti sa kwarta.
Gumikan sa maong datos, subling nagpahigayon og information dissemination campaign ang naasyong organisasyon aron nga ipahibalo sa katawhan og unsaon paglikay sa pagsulod sa maong trabaho ingon man ang posibleng epekto niini.
Gipangusgan sab sa nasampit nga organisasyon ang ilang pagpakatag og kasayuran labot Online Sexual Abuse and Exploitation of Children kon (OSAEC) lakip na ang mga epekto ug ang silot niini.
Dugang pa nga anaa matud pa sa 3,000 ang wala natala gumikan nahilakip isip freelancer.
Gawas sa maong datos, anaa pa lamang sa 600-700 ka mga prostituted women ang nakaparehistro.
