DAVAO CITY – Mamahimo nang mas paspas ug mas sayon ang paghatag ug hinabang alang sa mga pasyente sa Southern Philippines Medical Center.
Kini human pormal nang gilusad ang pinaka-unang Malasakit Center sa Mindanao nga naa nahimutang si Southern Philippines Medical center – usaka one stop shop alang sa pagtunol ug medical assistance sa mga kabus nga katawhang Pilipino.
Sa iyang pagpamulong gikanayon ni Special Assistant to the Presidet SAP Bong Go nga ang katukuran sa Malasakit center ang nasubay sa tumong ug tuyo ni pangulong Rodrigo Duterte nga maatiman ang maayong panglawas sa katawhan ug matubagang mga panginahanglanong medical sa matag Pilipino.
Sa kinatibuk-an aduna nay siyam ka mga Malasakit centers nga natukod sa Cebu, Iloilo, Tacloban, Bacolod, Puerto Princesa, Dumaguete, Maasin. Metro Manila ug dinhi sa dakbayan sa Dabaw.
Dugang pa ni SAP Go nga sukmad nautkod ang pinaka-unang center niadtong bulan sa Pebrero, moabot na sa 25 mil ka mga pasyente ang nahatagan ug medical assistance.
Gipaniguro usab ni SAP Go nga ipadayon ang pagserbhisyo uban sa mas gipalambo nga sistema diin wala na sumala pay taas nga linya sa mga mangayto ug hinabang.
Dili na usab sumala pa kinahanglan nga mag fill up ug daghang mga dokumento aron lamang makakuha ug financial assistance gikan sa nagkadaiyang mga ahensiya sa gobyerno sama sa Philhealth, Department of Health, Department of Social Welfare and Development, Philippine Charity Sweepstakes Office (PCSO), ug sa Philippine Amusement and Gaming Corporation. Mokabat sa 30 million pesos ang gigahin nga pondo sa Office of the President sa Malasakit Centers alang sa pagpamalit ug tambal.
Dili na usab sumala pa kinahanglan pang magdala o mopakita ug bisan unsa nga ID ang importante imong mapamatud-an nga usaka ka Pilipino.
