DAVAO CITY – Kompyansa si kanhi Senador Aquilino Nene Pimentel nga isip abogado, daghanan ug nasayran sa balaod si Pangulong Rodrigo Duterte, labi na ang kalabot sa Barangay Election.
Sumala pa kang Pimentel kung ang gikabalak-an ni Pangulong Duterte mao ang posibling pagkapili sa pwesto sa mga tawo nga nga involve sa illegal drugs sa Barangay Election, duna nay mga balaod nga mamahimo nga magamit aron nga taralon ang mga involve sa druga. Dili sumala pa kini masulosyunan pinaagi sa paglangan sa barangay election ug ang pag-appoint na lamang ng mga molingkod sa posisyon.
Dugang pa ni Pimentel nga sa bisan asa nga posisyon sa kagamhanan duna gayu’y posibilidad nga mahilakip sa mga mapahimutang sa pwesto ang mga tawo nga madaug gumikan sa kwarta sa druga, apan dunay mga balaod nga magamit aron nga mataktak sa pwesto ang mga nahisgutan.
Kalabot sab sa pag-appoint na lamang sa Barangay Kapitan, inay nga i-agi sa Barangay election, mamahimo sumala pa nga makasupak sa balaod kung ugaling wala’y himoon nga pagbag-o sa mga balaod kalabot sa Barangay Election.
Gipasabot sab ni kanhi senador Nene Pimentel nga dili na siya aktibo sa politika aapan kompyansa na ang unsa man nga bout ipatuman ni Pangulong Duterte sa nasod naha-uyon sa gimbut-an sa balaod.
